(Salaamanews)-Howlgalka Midowga Afrika ee Soomaaliya (AMISOM) ayaa maanta wuxuu dawo ugu deeqay isbitaalka Beledweyne ee xarunta gobolka Hiiraan.
Ciidanka Jabuuti ee qeybta ka ah howlgalka AMISOM ayaa deeqda dawada ku wareejiyay maamulka isbitaalka.
Waa deeqdii ugu ballaarnayd oo dawo ah oo la gaarsiiyay isbitaalka tan iyo markii hay’adda MSF Swiss ay dabayaaqadii sanadkii hore joojisay howlihii ay ka wadday isbitaalka.
Taliyaha ciidanka AMISOM ee gobolka Hiiraan Kornayl Cismaan Dubbad ayaa deeqda dawada ku wareejiyay agaasimaha isbitaalka Axmed Maxamed Khaliif.
Deeqda ayaa imaaneysa toddobaadyo kaddib markii odayaasha deegaanka ay ugu baaqeen dowladda iyo hay’adaha samafalka inay caawimaad la soo gaaraan isbitaalka kaddib markii MSF Swiss ay joojisay howlihii ay ka haysay gobolka.
Marka laga soo tago deeqda dawada, mas’uuliyiin ka tirsan AMISOM ayaa la kulmay ardayda, macallimiinta iyo maamulayaasha afarta jaamacad eek u taalla magaalada Beledweyne.
Muddadii uu socday kulanka, ka qeyb-galayaasha waxay ka wada hadleen xoojinta heerarka waxbarasho ee gobolka iyo kor u qaadidda xiriirka ka dhaxeeya ciidanka Midowga Afrika iyo jaamacadaha ku yaalla gobolka.
Salaamanews
Beledweyne, Hiiraan
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
