(Salaamanews)-Maxkamad ku taala magaalada Paris ee xarunta dalka Faransiiska ayaa xukuno u dhaxeeya 4 illaa 8 sano oo xarig ah ku riday dhalinyaro Soomaali ah oo lagu eedeeyay inay ka tirsan yihiin burcad badeeda Soomaaliyeed.
Sida ay sheegtay wakaaladda wararka AFP, dhalinyaradaan la xukumay oo 4 ruux ah, kuna eedeysan inay sanadkii 2008 afduubteen markab laga leeyahay wadanka Faransiiska oo marayay gacan biyoodka Cadan ayaa waxaa ay da’dooda u dhaxeysaa 22 sano jir iyo 36 sano.
Gudoonka maxkamada Paris ee dacwada dhalinyaradaan qaaday ayaa ku dhawaaqay in kooxdaan Soomaalida ah ay halis galiyeen nolosha 2 ruux oo Faransiis ah oo la socday markabka Carre D’As oo gacanta burcad badeeda galay bishii September ee sanadii 2008 walaw mar dambe laga bad baadshay.
Maxkamadda ayaa nin kale oo Soomaali ah oo ragaan lala eedeeyey ku weyday dambigii loo heystay, waxaana maxkamadu go’aansatay iney fasaxdo.
Dhallinyaradan ayaa waxaa sidoo kalem lagu eedeeyey iney dalbadeen lacag dhan 2 Milyan oo dollar oo madax furasho xilligii ay heytseen markabka laga lahaa Faransiiska.
Dhallinyaradan Soomaalida ah ee xukunka lagu riday ayaa ciidamada Faransiisku sanadii 2008 ka qabteen biyaha Soomaaliya, mana aha markii ugu horreysay ee Soomaali burcad badeed ah debadda lagu xukumo.
Salaamanews
London, UK
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
