(Salaamanews)-Bayaan ka soo baxay wasiirrada sare ee culumaa’udiinka Ahlu sunnah Waljamaacah ayaa loogu baaqay dowladda Soomaaliya in wacyi galin ay u sameyso bulshada si ay uga digtoonaadaan dhagarta kooxda Al-shabaab ay ku heyso dhallinyarada iyo carruurta uusan garaadkoodu ku filneyn.
Ahlu sunnah ayaa sheegtay in Al-shabaab ay dooneyso in askar ay dhigato carruur aad u da’yar taasina aanay dhici Karin, waxaana ay dowladda Soomaaliyeed ka codsatay in wacyi galin ay u sameyso carruurta ay dhici karto in ay ku kadsoomaan Afkaarta qaldan ee kooxda Al-shabaab.
Bayaanka ayaa lagu sheegay in dhallinyaro badan oo ka tirsan Al-shabaab ay Qatar ugu jiraan in dagaallada ay ku dhintaan iyadoo hub u sida Al-shabaab.
“Dowladda iyo waalidiinta Soomaaliyeed waxaan ugu baaqeynaa inay ka hortagaan kooxda Al-Shabaab caruurta yar iyo dhallinyarada ay marin habaabineyso, hadii aan laga hortagin arrimahaasi waxaa dhici doona dhibaatooyin aan laga soo kaban doonin” waxaa sidan lagu yiri bayaanka AHSWJ.
Bayaanka ayaa hoosta ka xarriiqay oo far muuqata ku qoray in cawaaqib xun laga dhaxli doono afkaarta Al-shabaab hadii aanan la dabar jarin kooxda iyo dhibaatooyinka ay wado.
Culumaa’udiinka Ahlu Sunna waqljamaacah ayaa ugu baaqay waalidiinta Soomaaliyeed meel kasta oo ay joogaan, inay caruurtooda kontrol ku sameeyaan had iyo goor ayna geeyaan goobaha waxbarashada caadiga ah.
Waxaa ay ka digeen dhiabatada xagjirnimada iyagoo waalidiinta kula taliyay inay caruurta kala soo baxaan dugsiyada iyo goobaha waxbarashada ee ay leeyihiin kooxaha taageera afkaaraha xag-jirnimada ku dhisan oo u adeegaya kooxaha Shabaab iyo Al-Qaacida.
Waa warbixintii ugu weyneyd oo ay soo saaraan masuuliyiinta majmaca culumaa’udiinka Ahlu sunnah waljamaacah, waxayna Al-shabaab ku sheegeen fitno weyn oo ka jirta geeska Africa.
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
