(Salaamanews)-Magaalada Gaalkacyo ee xarunta gobolka Mudug oo ay wada maamulaan maamullada Galmudug State iyo Puntland ayaa waxaa maalmihii dambe laga deyrinayaa amaanka qeybta waqooyi kadib falal amaanka lid ku ah oo maalmihii dambe ku soo batay.
Dhawaan magaalada waxaa ka dhacay weerar ismiidaamin ahaa oo lala beegsaday sarkaal sare oo ka tirsan ciidamada Puntland, waloo uu badbaaday hadana waxaa dhaawacmay isaga iyo afar ilaaladiisa kamid ahaa.
Falkaasi waxaa cambaareeyay wasiirka amaanka Puntland Khaliif Ciise Mudan, oo ku eedeeyay kooxda mintidka ah ee al-Shabaabta Soomaaliya, oo uu sheegay inay isku dayeyeso inay khal khal galiso amaanka dadka reer Puntland.
Iyadoo taasi jirto ayaa labo qof oo rayid ahaa waxaa habeenkii xalay ahaa lagu dilay xaafada Garsoor magaalada Gaalkacyo ee xarunta gobolka Mudug, iyadoo la dhaawacay mid kamid ah odayaasha dhaqanka Puntland.
Weerarkaasi lagu dilay dadka rayidka ahaa ayaa waxaana jirin cid masuuliyadiisa sheegatay ama dad loo qabtay, saraakiisha ammaanka Puntland oo aan la hadalnay ayaa iyana sheegay inay baadhitaan wadaan.
Salaamanews
Galkacyo, Mudug
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
