(Salaamanews)-Maamulka gobolka Banaadir ayaa u ballanqaaday farsamayaqaannada farshaxanka hiddaha iyo dhaqanka, in dib loo hagaajin doono suuqyada ay ka howgeli jireen ee magaalada Muqdisho iyo tababarro kor loogu qaadayo xirfadaha farshaxanka.
Guddoomiyaha gobolka Banaadir Maxamuud Axmed Nur Tarsan oo maanta kulan kula yeeshay xarunta gobolka farsamayaqaannada farshaxanka ayaa u sameeyay ballanqaadkaas.
Qaar ka mid ah farsamayaqaannada farshaxanka oo kulanka ka hadlay ayaa sheegay in ay burbureen suuqyadii iyo goobihii ay ku soo bandhigi jireen qalabka farshaxanka isla markaana uu saameeyay burburkii dalka ka dhacay.
Guddoomiyaha gobolka Banaadir ahna duqa magaalada Muqdisho Maxamuud Axmed Nuur Tarsan oo kulankaas ka hadlay ayaa u ballanqaday farsamaqayaannada farshanka in dib loo howl gelin doono suuqyadii ay caanka ku ahaayeen gaar ahaan suuqa Afleershe ee degmada Bondheere, dahablaha Xamarweyne iyo goobihii kale oo ay ku soo bandhigi jireen noocyada farshaxanka kala duwan.
Tarsan ayaa sidoo kale sheegay in farshaxanka caalamka uu noqday mid casri ah sidaa daraadeed uu rajeynayo in dowladda Turkiga ay tababarro u fidin doonto farsamayaqaannada farshaxanka.
Farsamayaqaannada farshaxanka ayaa farsameeya qalabka hiddaha iyo dhaqanka oo ay caanka ku tahay Soomaaliya.
Salaamanews
Muqdisho, Soomaaliya
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
