(Salaamanews)-Faahfaahinno dheeraad ah ayaa ka soo baxay bombaanooyin lagu weeraray xeryaha qaxootida Dhadhaab ee gobolka waqooyi bari wadanka Kenya.
Dad goob jogayaal ah ayaa noo sheegay in weerar lagu qaaday xirada Dhagaxley degmada Dhadhaab ee dalka Kenya, halkaasi oo ay dhimasho dhaawac ka soo gaartay dad rayid ah.
Inta la og yahay labo ruux oo Soomaali ayaa ku geeriyootay,todobo-kalena dhaawac ayaa soo gaaray, kadib markii qarax bambaano xalay lagu weeraray meel maqaaxi ah oo ku taal Xerada qaxootiga Dhagaxleey.
Wararka ayaa sheegaya in gaari kuwa raaxada ah laga dhex tuuray bambaanada, kaasoo ahaa mid si xowli ah ku socday, sida dad ku dhaqan Dhagaxley ay xaqiijiyeen.
Wararka ayaa sheegaya in goobta bamka lagu weeraray ay aheyd meel dhalinyarada ku caweeyaan, iyadoo aan la ogeyn cida ka dambeysa weerarkaas.
Sarkaal u hadlay baliiska gobolka waqooyi bari ayaa ku eedeeyay weerarkaas inay ka dambeeyaan kooxo ka tirsan Al-Shabaabka ka dagaallama gudaha dalka Soomaaliya.
Weerarkan ayaa qeyb ka noqonaya weeraro taxane ahaa oo kuwii ugu dambeeyay sanadkan uu ka dhaco gudaha dalka Kenya.
Salaamanews
Nairobi, Kenya
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
