(Salaamanews)-Kooxo aan la heyb garana aya weerar ku qaaday gaadiid ay wateen shaqaale samafal oo ka tirsan hey’adda cunnada aduunka WFP oo marayay magaalada Mandheera ee gobolka waqooyi-bari.
Labo bomb iyo rasaas ayaa mar qura lala eegtay shaqaalaha sida ay sheegeen dad goobta ka dhawaa oo la hadlay warbaahinta dowladda Kenya, waxaana la ogeyn cidda weerarka soo abaabushay.
Saraakiil ka tirsan hey’adda WFP ayaa sheegay in weerarka oo ahaa mid u muuqday in la soo qorsheeyay ay ka dhasheen waxyeellooyin iskugu jiray dhimasho iyo dhaawac kala duwan.
Madaxa hey’adda WFP ee waqooyi bari Kenya, Elvis Korir, ayaa sheegay in weerarka ka dhacay Mandheera ay fuliyeen dabley hubeysan oo uu kaga shakisanyahay kooxda Al-shabaab.
“Waxaan aaminsanahay in toogashadii ka dhacday mandheera ay fuliyeen kooxo ay dhici karto inay yihiin al-Shabaab, waxaa dadaal sameeyay ciidamada laakiin lama soo qaban” ayuu wakaaladda warareka ee Shiinaha Xinhua u sheegay Mr. Korir.
Mr. Elvis, ayaa sheegay in ciidamadu ay baari doonaan dilalka iyo weerarrada lala beegsanayo shaqaalaha samafalka ee jooga gobolka waqooyi bari dalka Kenya.
Salaamanews
Nairobi, Kenya
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
