(Salaamanews)-Puntland ayaa sheegtay in ciidamadeedu ay heegan buuxa ku jiraan iyadoo sheegtay in ciidamo dheeraad ah ay geyneyso buura lleyda Galgala oo dagaal xoogan uu ku dhexmarayo fallaago taabacsan Al-shabaab iyo ciidamada amniga Puntland.
Wasiirka Amniga Puntland Khaliif Ciise Mudan, ayaa sheegay in Puntland ay heegan galisay ciidankeeda iyadoo ka digtoon weerarro argagaxiso oo kaga yimaaddo kooxda Al-shabaab.
Wasiirka-amniga-Puntland-Col_Khaliif-Ciise-Mudan
Mr Khaliif ayaa sheegay inay jiraan dagaalyahano ka tirsan Al-Shabaab oo ku sugan buuraleyda Gal-gala, isla markaana beryihii u dambeeyay ay isku uruursanayeen, kadib markii looga itaal roonaaday dagaalada ka socda Koofurta Soomaaliya.
Wasiirku wuxuu sheegay in meydadka afar ka tirsan Al-Shabaab ay ka soo qaadeen goobtii dagaalka uu ka dhacay, ayna aaseen waxaana uu intaa ku daray in dhinacooda uu qasaare ka soo gaaray 12-askari uga dhimatay.
Puntland ayaa horay u sheegtay in dagaalyahano fara badan ka tirsan Shabaab ay u soo guureen buuraha Sanaag, waxaana ay sheegeen inay ciribtiri doonaan, inkastoo dagaalkii habeen hore uu ahaa kii u horeeyay muddo sanad ah oo labada dhinac dhex mara.
Dhawaan ayaa weerar xoogan oo lagu soo qaaday ciidamada Puntland waxaa ka dhashay khasaare dhimasho iyo dhaawac leh, waxaana miino ay la kacday ciidamo ku sii jeeday buuraha Galgala.
Salaamanews
Muqdisho, Soomaaliya
Info@salaamanews,com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
