(Salaamanews)-Duleedka magaalada Hargeisa ee xarunta Somaliland, shil gaadiid oo ka dhacay waxaa ka dhashay khasaare dhimasho iyo dhaawacba leh, waxaana dhaawacyada la dhigay cisbotaalka magaalada Hargeisa.
Ugu yaraan shan ruux oo seddex kamid ahaayeen ciidamada Somaliland, ayaa shilka ku dhintay, waxaana ku dhaawacmay, 16-kale sida uu xaqiijiyay qof magaciisa Cali ku soo koobay oo la hadlay Salaamanews.
Ciidamada Somaliland, ee shilka ku dhintay waxaa ku jiray saraakaalkii hogaaminayay ciidamada gaariga saarnaa, waxaana la sheegayaa in ciidanku ay ku socdaan magaalada Berbera, halka gaariga shacabka ahna la sheegay inuu ku soo jeeday magaalada Hargeisa.
Taliyaha ciidamada Baleyska Somaliland, Jeneraal C/llahi Iimaan ayaa xaqiijiyay in shilka ay ku dhinteen ciidamada Somaliland, iyo sarkaal la socday, waxaana uu taliyuhu shegay in shilku uu ku dhacay qaab kam ah.
Wwasiirka Arrimaha gudaha Somaliland Maxamed Nuur Caraale, ayaa ka tacseeyay shilkan, isagoo ku tilmaamay midkii ugu xumaa oo qabsada ciidamada baliiska Somaliland.
Gaariga ay la socdeen Ciidamada ayaa ahaa kuwo ciidamada xambaara, kaasoo ku qalibmay meel 10-KM u jirta magaalada Hargeysa.
Shilalka ka dhaca Gobolada Somaliland ayaa mudooyinkii u dambeeyay soo kordhayay, waxaana kol hore jiray shilal ay ku dhinteen siyaasiyiin iyo mas’uuliyiin ka tirsan Somaliland.
Waxaa soo hagaageyso qaar kamid ah bukaannada la dhigay cisbitaalka Hargeisa sida uu sheegay agaasimaha dhaqtarka Hargeisa oo aanu la hadalnay.
Salaamanews
Hargeisa, Somaliland
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
