(Salaamanews)-Booliska dalka Kenya ayaa xalay howlgal uu ka sameeyay xeryaha qaxootiga Dhadhaab ee gobolka Waqooyi-bari Kenya wuxuu ku soo qabqabtay walxo qaraxa iyo nin looga shakisan yahay in ay wadeen falal ammaan-darro.
Howlgalka ayaa lagu soo qabtay labo bambo oo kuwa gacanta laga tuuro ah oo la aaminsan yahay in loo diyaarinayay in lagu weeraro ciidanka amniga ee Dhadhaab ka howlgala iyo nin lagu tuhmayo inuu qeyb ka ahaa kooxo amni-darrida ka wada xeryaha.
Taliyaha booliska gobolka Waqooyi-bari Kenya Charlton Mureithi ayaa sheegay in howlgalka looga golleeyahay in lala dagaallamo hubka sharci-darrada ah ee deegaanka yaalla, kuwaasoo loo isticmaalo in lagu weeraro ciidanka nabadgelyada iyo hay’adaha samafalka.
Goor sii horreysay boolisku wuxuu toogtay nin la sheegay in uu ahaa hoggaamiye u ahaa koox burcad ah oo magaciisa lagu sheegay Ibraahim Xasan Cali, wuxuuna helay hub isugu jira AK-47, rasaas iyo qalab kale.
Dhowr jeer oo hore ayaa falal isugu jiray qaraxyo, dilal iyo afduub waxay ka dhaceen deegaanno hoos taga gobolka Waqooyi-bari oo ay ku jiraan xeryaha qaxootiga.
Salaamanews
Nairobi, Kenya
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
