(Salaamanews)-Arbacadii maalin ka hor waxaa magaalada Muqdisho ka dhoofay wafdi sare oo ka tirsan dowladda Soomaaliya, waxaana wafdigaasi la socday wariyeyaal Soomaaliyeed oo ka socday warbaahinta kala duwan ee ka shaqeysa Soomaaliya.
Wariyeyaasha oo tiradoodu ay gaareysay 12-qof ayaa waxaa ay sheegeen in lagu go’doomiyay Madaarka magaalada Kismaayo, isla markaana aanay gaarin dantii ama ujeedkii ay u tageen magaalada Kismaayo.
Sawir qaade Faarax Cabdi Warsame (Faarax AP) oo wareysi gaar ah siiyay Salaama News (www.salaamanews.com)
Kadib muddo 36-saacadood ah oo ay ku xannibnaayeen Garoonka Kismaayo ayaa wariyeyaashaasu waxay Jimcaha maanta nasiib u yeesheen inay ku soo laabtaan Muqdisho oo ay markii horeba iska raaceen.
Faarax Cabdi Warsame Faarax (Faarax AP) wuxuu kamid ahaa wariyeyaashii aaday Kismaayo ee xayirnaa mudada seddexda maalin ah, wuxuuna sheegay in xaalad shaqo la’aan ka sukoow aanu jirin dhib kale oo ay qabeen.
Mr Faarax ayaa sheegay in si wanaagsan loola dhaqmay mudadii ay xannibnaayeen balse wuxuu xusay in hadii ay cid su’aal weydiiyaanba loogu jawaabay” Amar naga sarreeya ayaanu ku soconnaa”.
Faarax Cabdi Warsame oo markuu ku soo laabtay Muqdisho la hadlay Salaama News ayaa yiri “Runtii dhamaan shaqadaasi waa ay xayirantay oo waa la hor istaagay oo waxaa nagula wargaliyay aniga iyo wafdigeynii waxaa nagula war galiyay inaan gali Karin magaalada Kismaayo, mana aysan jrinin inaba haba yaraatee waxa noo soo qabsoomay, goobta aan joognay oo aheyd goob mashquul bandanna waxaa nagula war galiyay inaan wax sawirro ah aanan qaadi karinini dhaqdhaqaaq iskaba daaye waxaa nala saaray cadaadi inti aan ka sugeynay awaamiirta, marka dhamaanba wanu ku hungownay howlihii aanu u tagnay kismaayo”.
Halkan ka dhageyso wareysiga :- Sawir qaade Faarax Cabdi Warsame (Faarax AP)
Cabdishakuur Shakra, Salaamanews
shakra@salaamanews.com
Muqdisho, Soomaaliya
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
