(Salaamanews)-Wasaaradda gaashaandhiga dalka Kenya ayaa sheegtay inaanay is quseyn amniga Kenya iyo Soomaalida dalkooda ku noqonaya, waxaana dowladda Kenya ay sheegtay inaan leysku raacin dib u celinta qaxootida Soomaaliyeed ee ku dhaqan Nairobi.
Wasiirka Gaashaandhiga dalka Kenya mudane yuusuf Xaaji, oo ka hadlay kulan uu la qaatay ganacsatda Soomaaliyeed ee dalka ayuu sheegay in golaha wasiirada dalka Kenya aysan go’aan ku gaarin in la barakiciyo Soomaalida ku nool dalka Kenya.
Wuxuu sheegay in golaha wasiirada Kenya aysan u wada dhameyn in dadka Soomaalida ee dhibaatooyinka dalkooda ka jira kasoo cararay dib loo barakaciyo oo lagu celiyo dalka Soomaaliya.
“Anigu waxaan ahay wasiirka Soomaalida matalaaya, ee laga soo doorto gobolka waqooyi bari, waxaana idiin sheegayaa inaanu jirin kulan wasiirrada kenya ay yeesheen oo leysku raacay in Soomaalida dib loo celiyo” ayuu yiri Yuusuf Xaaji.
Mr. Xaaji, Wuxuu sheegay in ciidamada Kenya ee howlgalka qab qabashada ka xaafadda Islii ay dadka Soomaalida ah bareen lacag laaluush ah islamarkaana qof waliba oo leh goob ganacsi uu bixiyo lacago uu doonayo inuu kaga badbaado ciidanka.
Wasiirka difaaca dalka Kenya ayaa sheegay in Soomaalida looga baahan yahay in masuuliyiinta dhanka ciidanka ee Kenya ay ku soo wargeliyaan ciidamada dadka qab-qabanayo ee ku sugan islii ama ay soo gudbiyaan gaadiidka ay wataan taarikadooda.
Magaalada Nairobi ee dalka Kenya ayaa Soomaalida ku sugan waxa ay la kulmaan dhibaatooyin kala duwan oo ay kala kulmaan ciidanka,xilligan la joogana waa waqtiga ugu adag oo ay Soomaalida dhibaatoyinka ay dareemayaan.
Boqollaal Soomaali ah oo ka tagay Kenya ayaa ku noqday dalkooda Soomaaliya iyagoo ka baxsaday dhibaatooyinka ka taagan dalkani Kenya, mana jiro go’aan joogta ah oo ciidanku ay ka heystaan saraakiishooda.
Hadalka Yuusuf Xaaji ayaa imaanaya xilli madaxweyne Kibaki, uu horey Soomaalida ugu amray in dalkooda ay sida ugu dhaqsaha badan ugu laabtaan, isagoo sheegay inaan su’aal laga keeni doonin sii joogitaan ama tagitaanka Soomaalida.
Salaamanews
Nairobi, kenya
Info@salaamanews.com
![Mowliidka [bidix]](http://salaamanews.com/somali/wp-content/uploads/2013/01/Mowliidka-bidix.jpg)
Ku: Soomaalida Isliiiiiiiii
Anigoo ah arday wax ka barta dalka masar
waxaan fikir ahaan idinku darsanayaa
In somalida islii eey sameeyaan website lagu aruuriyo sawirda
sida askarta in aad sawiro ku xadaan
iyo in aad taarikada gaariga sawirtaan
marka website kaliga waxuu lahanayaa
comment iyo meel sawirda upload loogu sameeyo